அறிந்து கொள்வோம் பகுதி -140 || இந்திய மொழிகளில் வேதாகம மொழிப்பெயர்ப்பு || ஹிந்தி பைபிள் மொழிபெயர்ப்பு |

அறிந்து கொள்வோம் 

பகுதி -140

இந்திய மொழிகளில் வேதாகம மொழிப்பெயர்ப்பு

ஹிந்தி பைபிள் மொழிபெயர்ப்பு

இந்தியாவில் பல்வேறு விதமான மொழிகள் பேசப்பட்டாலும், பெரும்பான்மையான மக்களால் பேசப்படும் மொழி ஹிந்தி மொழியாகும். இந்த மொழியில் வேதாகமம் 1800 ம் ஆண்டிலேயே மொழித்திருப்பம் செய்யப்பட்டது. ஆனால் கல்கத்தாவில் ஆரம்பிக்கப்பட்ட ஃபோர்ட் வில்லியம் கல்லூரியில் பணி செய்த டாக்டர் ஹென்றி கோல்ப்ரூக் என்பவர் முதன் முதலாக இந்தி மொழியில் நான்கு சுவிசேஷங்களை மாத்திரம் மொழி பெயர்ப்புச் செய்து வெளியிட்டார். 

இது 1806ம் ஆண்டில் புழக்கத்திற்கு வந்தது. இதே காலகட்டத்தில் செராம்பூரிலிருந்த மிஷினரிகளும் ஹிந்தி மொழியில் வேதாகமத்தை மொழிபெயர்க்கும் பணியில் ஈடுபட்டிருந்தனர். இவர்கள் மொழி பெயர்த்த வேதாகமம் 1811 ம் ஆண்டில் வெளியிடப்பட்டது. இவர்கள் வெளியிட்ட வேதாகமம் புதிய ஏற்பாடு முழுமையும் அடங்கியதும். முழுவேதாகமம் வெளியாகும் வரை சிலகாலம் இந்தப் புதிய ஏற்பாடு மாத்திரமே பயன்படுத்தப்பட்டு வந்தது. இதனைத் தொடர்ந்து பழைய ஏற்பாட்டின் நூல்கள் பகுதி பகுதியாக ஹிந்தியில் மொழித்திருப்பம் செய்யப்பட்டன. இவர்களுடைய இந்த மொழிபெயர்ப்பு ஆக்ராவிலிருந்த மக்களால் ஏற்றுக்கொள்ள முடியாத மொழியமைப்பு கொண்டிருந்ததால், பாப்டிஸ்ட் சபையைச் சேர்ந்த சேம்பர்லியன் என்பவர் இந்த வேதாகமத்தை மேலும் ஒருமுறை திருத்தி வெளியிட்டார். ஆனால், அந்த மொழிபெயர்ப்பிலும் குறைகள் காணப்பட, இன்னொரு மொழி பெயர்ப்பை 1848ல் பாப்டிஸ்ட் சங்கத்தைச் சேர்ந்த வில்லியம் யேட்ஸ் என்பவர் மொழி பெயர்க்க ஆரம்பித்தார். இடையில் இவர் மரித்துவிட, இவரது பணியை வெஸ்லி என்பவர் முடித்தார். இந்தப் பதிப்பு ஜோன் பார்சன் என்பவரால் திருத்தம் செய்யப்பட்டு   1868 ல் வெளியிடப்பட்டது. 

இதன் திருத்திய பதிப்பு 1874 ல் வெளியானது இதுவே ஹிந்தியில் அங்கீகரிக்கப்பட்ட வேதாகமமாக இருந்தது, அதன் பின்னர் வட இந்திய வேதாகமச் சங்கத்தார் 1905 ல் வெளியிட்ட திருத்திய வேதாகமப் பதிப்பே சுமார் 60 ஆண்டுகள் பயன்பாட்டில் இருந்துவந்தது. இதையும் திருத்தி எளிமையான சொற்களுடன் 1955 ல் வெளியிடப்பட்ட வேதாகமமே ஹிந்தி மொழியில் இன்றளவும் பயன்பாட்டில் இருக்கிறது. இதைத் திருத்தம் செய்தவர் வி.டி.திவாரி என்பவராவார்.

அறிந்து கொள்வோம் || பகுதி - 139 || அழுகையின் பள்ளத்தாக்கு

 

அறிந்து கொள்வோம் 

பகுதி - 139

அழுகையின் பள்ளத்தாக்கு

( The valley of BACA) 

பொருள்:- weeping,weeper.

அழுதல்; அழுகிறவர்,கண்ணீர் வடிக்கிறவர்.

ஆங்கிலத்தில் "BACA" என்று சொல்லப்பட்ட இந்த இடம் எதுவென்று, எங்கோ என்று கண்டுபிடிக்கப்படவில்லை. எனினும் இந்த பெயரில் பாலஸ்தீனத்தில் ஒரு இடம் இருக்கிறது என்கிறார்கள்.

பலரின் கருத்து என்னவென்றால் சீயோன் மலைக்குக் கீழேயுள்ள இன்னோம் பள்ளத்தாக்கு தான் இது என்றும் இன்னோம் பள்ளத்தாக்கும் ரெப்பாயிம் பள்ளத்தாக்கும் பிரியும் இடத்தில் இது இருக்கிறது என்றும் சொல்லுகின்றர்கள். 

இங்கு இருக்கும் ஒருவகை செடியின் இலைகளைப் பறிக்கும்போது கண்ணில் கண்ணீர் சுரப்பதுபோன்ற ஒரு திரவம் சுரக்கும், வட்டவடிவப் பெரிய பழங்கள் காய்க்கும் குங்கிலிய வகைப்புதர்ச்செடி இருப்பதாகக் கூறப்படுகிறது.

கண்ணீர் போன்று பிசினை வடியப்பண்ணும் weeper என்னும் பெயருடைய மரத்தை BACA என்னும் இவ்வார்த்தை குறிக்கிறது .

இந்தப்பள்ளத்தாக்கில் இருந்து புறப்பட்டு வரும் 5 நீரூற்றுகள் வெகுதூரமாக கடைசி மட்டும் பாய்ந்து செல்லாமல் கண்ணிலிருந்து வடிந்து கன்னங்களிலேயே (மறைந்து) சுவறிப்போகும், கண்ணீர்போல குறுகிய தூரத்திலேயே காய்ந்து சுவறிப் போய்விடும் என்று சொல்லப்படுகிறது. நாம் அடிக்கடி துயரத்தால் திரும்பத் திரும்பக் கண்ணீர் வடிக்கும் போது அது வழிந்தோடி நமது கன்னங்களிலேயே சுவறிப் போகிறதை இந்த அழுகையின் பள்ளத்தாக்கு சுட்டிக்காட்டுகிறது. குங்கிலியப் பிசின் வடிக்கும் குங்கிலிய மரங்கள் நிறைந்த பள்ளத்தாக்கு என்றும் மூலபாஷை விளக்கமளிக்கிறது.

எப்படியே சீயோனுக்குச் செல்லும் வழியில் குறுக்கிடும் இப்பள்ளத்தாக்கு கண்களில் கண்ணீர் வடியப்பண்ணும் அளவுக்குக் கடப்பதற்கு மிகவும் கஷ்டமானதும் பலத்தின்மேல் பலம் அடையப்பண்ணும் என்பதும் குறிப்பிடத்தக்கது (சங்84:6) 

ராமா || அறிந்து கொள்வோம் || பகுதி - 138 ||

 அறிந்து கொள்வோம் 

பகுதி - 138

ராமா ​​(சாமுவேல் பிறந்த ஊர்)

""ராமா" என்பதற்கு ""உயர்ந்த மேடை" என்று பொருள். இது இராமாத் கீலேயாத் என்னும் வார்த்தையின் சுருக்கமாகும். (2நாளா 22:6).

பரிசுத்த வேதாகமத்தில் ராமா என்னும் பெயரில் ஐந்து பட்டணங்கள் உள்ளன. அவற்றின் விவரம் வருமாறு:

1.நப்தலியிலுள்ள ஒரு பட்டணம் (யோசு 19:36)

2.ஆசேரின் எல்லையிலுள்ள ஒரு பட்டணம். இது தீருவிற்கு தென்கிழக்கில் 13 மைல் தூரத்தில் உள்ளது. (யோசு 19:29)

3.பென்யமீனிலுள்ள ஒரு பட்டணம். இது எருசலேமிற்கு வடக்கே 6 மைல் தூரத்தில் உள்ளது. (யோசு 18:25; 19:13)

4. யூதாவிலுள்ள ஒரு பட்டணம். எபிரோனுக்கு தெற்கில் உள்ளது. இது சிமியோனுக்குப் பிரித்துக் கொடுக்கப்பட்டது (யோசு 19:8)

5.எப்பிராயீமிலுள்ள ஒரு பட்டணம். எல்க்கானா, அன்னாள் ஆகியோர் வசித்த ஸ்தலம். சாமுவேலின் பிறந்த ஊர். எருசலேமிற்கு வடமேற்கே 30 மைல் தூரத்திலுள்ளது. புதிய ஏற்பாட்டில் இதற்கு "அரிமத்தியா" என்று பெயர் லுூக்கா 23:51. .

வியாழக்கிழமை - பாடுகளின் வாரம்

 வியாழக்கிழமை - பாடுகளின் வாரம்

வியாழனின் சிறப்புகள்

🌿இது புனித வாரத்தின் ஐந்தாவது நாளாகும்.

🌿இந்த நாள் கடைசியாக இயேசு தனது சீடர்களுடன் கழித்த நாளாகும்.

🌿புதிய உடன்படிக்கையின் அடையாளமாக திருவிருந்து நிறுவப்பட்ட நாள்.

சிறப்பு பெயர்கள்

🌿புனித வியாழன் (புனித வியாழன்)

🌿 பெரிய வியாழன் (பெரிய வியாழன்)

🌿வியாகுல வியாழன் (துன்பம் வியாழன்)

🌿கட்டளை வியாழன் (மவுண்டி- கட்டளை)

🌿உடன்படிக்கை வியாழன் (உடன்படிக்கை வியாழன்)

வியாழனன்று நடைபெற்ற சம்பவங்கள்

1.இயேசுவின் இறுதி அருளுரை

2.சீடர்களின் கால்களைச் சுத்தம் செய்தல்

3.இயேசுவின் கடைசி இராவுணவு

4.கெத்சமனே ஜெபம்

5.இயேசுவின் கைது

7.இயேசுவின் விசாரணைத் தொடக்கம்.

நன்றி: மேயேகோ

புதன் || பாடுகளின் வாரம் ||

 பாடுகளின் வாரம் - புதன்

புதன் அன்று நடந்த 2 நிகழ்வுகள்

🌿இயேசு அபிஷேகம் பண்ணப்படுதல்

🌿யூதாஸ் வெளியேறுதல்

புதன்கிழமையை ஏன் ( Spy Wednesday)

உளவு புதன்? என்று அழைக்கிறார்கள்.

மத்தேயு 26. 14-16, லூக்கா 14.10 - 11 இந்த வசனங்களின் படி, இயேசுவின் அபிஷேகத்திற்கு பின்பு புதன் கிழமை அன்றே யூதாஸ் இயேசுவைக் காட்டிக் கொடுக்க வகை தேடிச் சென்றான். ஆகவே தான் உளவாளி புதன் ( Spy Wednesday என்று அறியப்படுகிறது.

யூதாஸ் கற்பிக்கும் பாடல்கள்

யூதாஸ் என்றால் கர்த்தரின் துதி என்று அர்த்தமாகும்.இவர் காரியோத்து என்ற ஊரை சேர்ந்தவர். இயேசுவின் சீடர்கள் பன்னிருவரில் யூதாஸ் மட்டுமே யூதேயாவைச் சேர்ந்தவர்.நன்கு கல்வி கற்றவர்,ரோம பேரரசை எதிர்க்கும் ஒரு புரட்சியாளன்.

1.பண ஆசையுள்ள யூதாஸ்

யோவான் 12:3,6,மாற்கு 14:11.

பண ஆசை ஒருவனை அழிவுக்கு

இட்டுச் செல்லும். யூதாஸ் முப்பது

வெள்ளிக்காசுக்கு ஆசைப்பட்டான்.

அழியாத விண்ணக வாழ்வை

இழந்தான்.பணி செய்பவர்களின் கூட்டத்தில் இருப்பதால் மீட்பு வராது. சீடர்களிலேயே நிர்வாகத் திறமையுடைய யூதாஸ் பொருளாளராய் இருந்தார்.அது அவரைக் காப்பாற்றவில்லை.

2.இருமுகமுள்ள யூதாஸ்

(மத்தேயு 26:25 லூக்கா 22:48)

யூதாஸ் சீடர்களிடையே நல்லமதிப்பு பெற்றிருந்தான்.சீடர்கள் யாரும் அவனை சந்தேகப்படாத அளவுக்கு அவர்களிடம் நற்சான்றிதழ் பெற்றிருந்தான்.

ஆனால் பரலோக வாழ்வை இழந்தான்.

3.மனந்திரும்பாத யூதாஸ் 

(மத்தேயு 27:3,அப்போ 1:18)

மனஸ்தாபப்பட்ட யூதாஸ் மனந்திரும்பாமல் மடிந்து போனான். பேதுரு மறுதலித்தும், மனஸ்தாபப்பட்டு, மனங்கசந்து அழுது மனம் திரும்பினார். இயேசுவின் போதனைகளைக் கேட்பதோ, அற்புதங்களைப் பார்ப்பதோ ஒரு மனிதனை நல்லவனாய் மாற்றாது. நம்பிக்கை வேண்டும்.எச்சரிக்கைகளை உதாசீனப்படுத்தினால் மீட்பு வராது. உங்களுள் ஒருவன் பிசாசாய் இருக்கிறான்' என்றும் 'அவரைக் காட்டிக் கொடுக்கிறவனுக்குக் கேடு' என்றும் இயேசு எச்சரித்திருந்தார்.இருந்த போதும் யூதாசு செவிசாய்க்கவில்லை.?

நன்றி:மேயேகோ….

இயேசுவிடம் கேட்கப்பட்ட 4 கேள்விகள் ||பாடுகளின் வாரம் - செவ்வாய்க்கிழமை

 பாடுகளின் வாரம் - செவ்வாய்க்கிழமை

இயேசுவிடம் கேட்கப்பட்ட 4 கேள்விகள் 

செவ்வாய்கிழமை ஏறக்குறைய 18 விதமான காரியங்கள் 4 நற்செய்தி நூல்களில் சொல்லப்பட்டுள்ளன. அதில் குறிப்பாக இயேசுவிடம் 4 கேள்விகள் கேட்கப்பட்டன. யோவான் நற்செய்தியில் எந்த ஒரு கேள்வியும் சொல்லப்படவில்லை.

இயேசுவின் பதில்கள் கற்பிக்கும் பாடங்கள்

1.எந்த அதிகாரத்தினால் இவைகளை செய்தீர்?

மத்தேயு 21:23 to 27,மாற்கு 11:27 to 33

லூக்கா 21;1 முதல் 8 வரை

🔥தேவையில்லாமல் பதில்கூற வேண்டாம்.

(கேள்வியின் நோக்கம் / நோக்கம் பொறுத்து பதில் சொல்ல வேண்டும்)

2.இராயனுக்கு வரி கொடுக்கலாமா?

மத்தேயு 22:15 to 22, மாற்கு 12:13 to 17

லூக்கா 20:20 முதல் 26 வரை

🔥பட்சபாதம் இல்லாத பதிலாக இருக்க வேண்டும்.

3.உயிர்த்தெழுதல் எப்படி இருக்கும்?

மத்தேயு 22:23 to 33,மாற்கு 12:18 to 27

லூக்கா 20:27 முதல் 40 வரை.

🔥உண்மையை தெரிந்தால் சொல்ல வேண்டும்.

4.பிரதான கற்பனை எது?

மத்தேயு 22:34 to 40,மாற்கு 12:28 to 34

🔥பிறருக்கு பிரயோஜனமுண்டாக பதில் இருக்க வேண்டும்.

நன்றி:- மேயேகோ….

அத்தி மரம் || பாடுகளின் வாரம் - திங்கட்கிழமை ||

 பாடுகளின் வாரம் - திங்கட்கிழமை 

அத்தி மரம் 

திங்கள் அன்று நடந்த 3 நிகழ்வுகள்

🌿அத்தி மரம் சபிப்பு 

🌿ஆலய சுத்திகரிப்பு 

🌿ஆலயத்தில் சுகமளித்தல்

அத்திமரம் இயல்புகள் & பண்புகள்

34 முறை அத்திமரம் என்ற வார்த்தை வேதத்தில் வருகிறது. அத்தி என்ற வார்த்தை 64 முறை வருகிறது.

In English fig என்றும் In Hebrew Tena பெயர் உண்டு.

முதல் முறையாக வேதத்தில் வரும் மரம் ஆதி 3.7, இது 35 அடி உயரம் வரை வளரும். அத்தி மரம் பூக்காமல் காய்க்கும்

மரம். (உன்னத.2.13).

ஏழைகளின் பழம் என்று அழைக்கப்படுகிறது. அத்தி பழம். 1 kg - 20 to 40 Rs. மதுரமான பழம்.

அத்திமரம் கற்பிக்கும் பாடங்கள்

 1.அத்தி மரம் சுக வாழ்வின் அடையாளம் (1 இராஜா 4.25 மீகா 4.4 சகரியா 3.10)

2.அத்தி மரம் தேவ கோபத்திற்கு அடையாளம் (சங்கீதம் 105.33 ஓசியா 2.12 ஆமோஸ் 4.9)

3.அத்தி மரம் விசுவாசத்தின் அடையாளம் ( மத்தேயு 21.19,மாற்கு 11.13 - 20) விசுவாசத்தை சீடர்களுக்கு கற்றுக் கொடுக்கவே இயேசு சபித்தார்.

4.அத்தி மரம் கனி கொடுத்தலின் அடையாளம் (நியாயதி 9.10, 11

லூக்கா 13.6)

5.அத்தி மரம் வருகையின் அடையாளம்

(மத்தேயு 24.32, வெளி 6.13)

வசந்த காலம் என்பது மார்ச்,ஏப்ரல் மற்றும் மே மாதங்களில் வரும்.