ஹென்றி மார்ட்டின் || மிஷனரி வரலாறு ||

 

மிஷனரி வரலாறு

ஹென்றி மார்ட்டின் (1781-1812) 

1.பிறப்பும் ஆரம்ப காலமும்

📌பிறப்பு: ஜனவரி 18, 1781 அன்று இங்கிலாந்தின் கார்ன்வால் மாகாணத்தில் உள்ள ட்ரூரோவில் பிறந்தார்.

📌குடும்பம்: தந்தை ஜான் மார்ட்டின் ஒரு சுரங்க மேலாளர். ஒரு நடுத்தர வர்க்கக் குடும்பத்தில் வளர்ந்தார்.

📌கல்வி: ட்ரெகோனியர் பள்ளியில் ஆரம்பக் கல்வி பயின்றார். 17 வயதில் கேம்பிரிட்ஜ் செயின்ட் ஜான்ஸ் கல்லூரியில் சேர்ந்தார்.

📌சாதனை: 1801-ல் கணிதத் துறையில் மிக உயரிய "சீனியர் ரேங்லர்" (Senior Wrangler) என்ற கௌரவப் பட்டத்தைப் பெற்றார்.

2.ஆவிக்குரிய திருப்புமுனை

👉தன்னுடைய சகோதரி சாரா மற்றும் போதகர் சார்லஸ் சிமியோன் ஆகியோரின் தாக்கத்தால் ஆவிக்குரிய எழுப்புதல் அடைந்தார்

👉மிஷனரி டேவிட் பிரெய்னர்டின் வாழ்க்கை வரலாறு இவரை மிஷனரிப் பணிக்குத் தூண்டியது.

👉தந்தையின் மறைவுக்குப் பின் ஏற்பட்ட நிதி நெருக்கடியால், கிழக்கிந்திய கம்பெனியின் குருவானவராக (Chaplain) இந்தியா வர முடிவெடுத்தார்.

3.இந்திய மிஷனரி ஊழியம் (1806-1812)

📌1806-ல் இந்தியா வந்தடைந்த இவர், இந்திய மக்களைச் சென்றடைய உருது, பாரசீகம், அரபு மற்றும் பெங்காலி மொழிகளைக் கற்றார்.

 👉மொழிபெயர்ப்புப் பணிகள்:

   📌உருது (ஹிந்துஸ்தானி) மொழியில் புதிய ஏற்பாடு.

   📌பாரசீக மொழியில் புதிய ஏற்பாடு மற்றும் சங்கீதங்கள்.

   📌அரபு மொழி வேதாகம மொழிபெயர்ப்பு முயற்சிகள்.

 📌ஆங்கிலிகன் பொது ஜெப புத்தகத்தை உருதுவில் மொழிபெயர்த்தார்.

👉சமுதாயப் பணி:

உத்தரப் பிரதேசத்தின் தினாப்பூர் மற்றும் கான்பூரில் பள்ளிகளை நிறுவி குழந்தைகளுக்குக் கல்வி கற்பித்தார்.

4.சுவிசேஷப் பணி

✒️இந்து மற்றும் முஸ்லிம் அறிஞர்களுடன் தர்க்கரீதியாகவும், மரியாதையுடனும் விவாதங்கள் செய்தார்.

✒️மற்ற மதங்களின் புனித நூல்களைக் கற்றுக்கொண்டு, அதன் மூலம் கிறிஸ்துவின் அன்பை விளக்கினார்.

5.மறைவு

✒️கடுமையான உழைப்பாலும், இந்தியாவின் வெப்பத்தாலும் காசநோயால் (TB) பாதிக்கப்பட்டார்.

✒️சிகிச்சைக்காக இங்கிலாந்து திரும்பும் வழியில், 1812 அக்டோபர் 16 அன்று, துருக்கியின் டோகாட் நகரில் தனது 31-வது வயதில் காலமானார்.

💥ஹென்றி மார்ட்டினின் வாழ்விலிருந்து நாம் கற்றுக் கொள்ளும் பாடங்கள்

ஹென்றி மார்ட்டின் மிகக் குறுகிய காலமே (6 ஆண்டுகள்) இந்தியாவில் வாழ்ந்தாலும், அவர் விட்டுச் சென்ற தாக்கம் மிகப் பெரியது. அவரிடமிருந்து நாம் பின்வரும் காரியங்களைக் கற்றுக்கொள்ளலாம்:

1.திறமைகளைத் தேவனுக்காக அர்ப்பணித்தல்:

கேம்பிரிட்ஜில் முதல் மாணவராக வந்த மார்ட்டின், தனது அறிவுத்திறனை உலகப் புகழுக்காகப் பயன்படுத்தாமல், கடினமான மொழிபெயர்ப்புப் பணிகளுக்காகச் செலவிட்டார்.

2.காலத்தைப் பயன்படுத்துதல்:

வெறும் 6 ஆண்டுகளில் மூன்று முக்கியமான மொழிகளில் வேதாகமத்தை மொழிபெயர்த்தார். "தேவனுக்காக எரிந்து தீருவேன்" (Now let me burn out for God) என்ற அவரது வைராக்கியம், நேரத்தின் மதிப்பை உணர்த்துகிறது.

3.தொடர் கற்றல் (Lifelong Learning):

புதிய கலாச்சாரம் மற்றும் மொழிகளைக் கற்றுக்கொள்வதில் அவர் காட்டிய ஆர்வம், ஒரு பணியைச் சிறப்பாகச் செய்ய எவ்வளவு உழைப்பு தேவை என்பதைத் தெளிவுபடுத்துகிறது.

4.எதிர்ப்புகளை அன்பால் வெல்லுதல்:

கான்பூரில் அவர் சந்தித்த அச்சுறுத்தல்களுக்கு மத்தியிலும், அறிஞர்களுடன் விவாதிக்கும்போது அவர் கடைபிடித்த 'மரியாதையான அணுகுமுறை' (Respectful Dialogue) இன்றும் முன்மாதிரியாக இருக்கிறது.

5.சுகவீனத்திலும் சோர்வடையாத ஊழியம்:

நெஞ்சு வலி மற்றும் காய்ச்சலால் பாதிக்கப்பட்டிருந்த போதும், தனது மொழிபெயர்ப்பு மற்றும் பிரசங்கப் பணியை அவர் நிறுத்தவில்லை. உடல்நலத்தை விட ஆத்தும பாரமே அவருக்குப் பெரிதாக இருந்தது.

6.எளிமை மற்றும் தியாகம்:

வசதியான வாழ்க்கையை இங்கிலாந்தில் வாழ்ந்திருக்க முடியும். ஆனால், அனைத்தையும் துறந்து அந்நிய தேசத்தில் தனிமையில் மரித்த அவரது தியாகம், உண்மையான சீஷத்துவத்திற்கு அடையாளம்.

செமிராமிஸ் (Semiramis) / சைபெலி (Cybele) || அறிந்து கொள்வோம் || பகுதி - 157 ||

அறிந்து கொள்வோம் 

பகுதி - 157

செமிராமிஸ் (Semiramis) / 

சைபெலி (Cybele) 

1.வேதாகமத்தில் நிம்ரோத் - செமிராமிஸ் :

வேதாகமம் நிம்ரோத்தை எத்தியோப்பியனாகிய கூஷின் குமாரன் என்றும், பூமியில் பராக்கிரமசாலியான வேட்டைக்காரன் என்றும் கூறுகிறது (ஆதியாகமம் 10:8-9). ஆனால், செமிராமிஸ் நிம்ரோத்தின் மனைவி என்ற தகவல் வேதாகமத்தில் இல்லை.

👉அலெக்சாண்டர் ஹிஸ்லாப் (Alexander Hislop):

19-ஆம் நூற்றாண்டில் 'The Two Babylons' என்ற புத்தகத்தின் மூலம்,நிம்ரோத்-செமிராமிஸ்-தம்முஸ் ஆகிய மூவரையும் ஒரு "போலித் திருத்துவமாக" (False Trinity) சித்தரித்தார். இதன்படி, செமிராமிஸ் தனது மகன் தம்முஸை நிம்ரோத்தின் மறுபிறப்பாகக் காட்டினாள் என்றும், இதுவே பின்னாளில் அன்னை-மகன் வழிபாடாக மாறியது என்றும் அவர் வாதிட்டார். 

ஆனாலும் வரலாற்று ரீதியாக நிம்ரோத் வாழ்ந்ததாகக் கருதப்படும் காலத்திற்கும் (கி.மு. 2500-2000), செமிராமிஸ் (அசிரிய அரசி ஷம்மு-ரமத் - கி.மு. 811-806) வாழ்ந்த காலத்திற்கும் இடையே சுமார் 1000 ஆண்டுகளுக்கும் மேலான இடைவெளி உள்ளது. எனவே, இது ஒரு வரலாற்றுத் தகவல் என்பதை விட, ஒரு இறையியல் மற்றும் புராணக் கதையாய் பார்க்கப்படுகிறது.

2.வானராக்கினி (Queen of Heaven) மற்றும் செமிராமிஸ்

எரேமியா தீர்க்கதரிசியின் புத்தகத்தில் குறிப்பிடப்படும் "வானராக்கினி" வழிபாடு, செமிராமிஸ் என்ற பெயருடன் நேரடியாகத் தொடர்புபடுத்தப்படாவிட்டாலும், அந்த வழிபாட்டு முறைகள் ஒன்றுதான்.

👉இஷ்டார்/அஷ்தரோத்:

பாபிலோனியர்களின் 'இஷ்டார்' (Ishtar) தெய்வமே கானானியர்களால் 'அஷ்தரோத்' என்று அழைக்கப்பட்டது. எரேமியா 44:17-19-ல் யூதர்கள் இந்தத் தெய்வத்திற்குச் சுட்டப்பலிகளை இட்டதாகக் கூறப்பட்டுள்ளது. 

👉சைபெலி தொடர்பு:

ஆசிய மைனரில் (Phrygia) புகழ்பெற்ற 'சைபெலி' (Cybele) தெய்வமும் "மகா தாய்" (Magna Mater) என்று அழைக்கப்பட்டார். செமிராமிஸ் போலவே சைபெலியும் நகரங்களைக் காக்கும் தெய்வமாகக் கருதப்பட்டு, தலையில் கோபுர கிரீடம் (Mural Crown) அணிந்திருப்பார்.

3.வேதாகமத்திற்கும் இப்புராணங்களுக்கும் உள்ள முரண்பாடுகள்

வேதாகமம் இந்தத் தெய்வ வழிபாடுகளைத் திட்டவட்டமாக எதிர்க்கிறது. அதன் முக்கிய காரணங்கள்:

1.தெய்வத்தன்மை மற்றும் படைப்பு குறித்த வேறுபாடு:-

வேதாகமம் "ஆதியிலே தேவன் வானத்தையும் பூமியையும் படைத்தார்" (ஆதியாகமம் 1:1) என்று கூறி, படைத்தவருக்கும் படைப்பிற்கும் இடையே தெளிவான இடைவெளியை வைக்கிறது. தேவன் ஒருவரே என்றும், அவர் உருவமற்றவர் என்றும் வலியுறுத்துகிறது. ஆனால், செமிராமிஸ் அல்லது சைபெலி தொடர்பான புராணங்கள், தெய்வங்களை இயற்கையின் கூறுகளோடும் அல்லது மனிதர்களோடும் கலக்கின்றன. குறிப்பாக, சைபெலி வழிபாடு பூமியை ஒரு "மகா தாய்" (Magna Mater) என்று கருதுகிறது. வேதாகமத்தின்படி தேவன் உலகைத் தாங்குபவர், ஆனால் இப்புராணங்களின்படி தெய்வங்களே உலகமாகவோ அல்லது மனிதர்களின் காம உணர்ச்சிகளின் வெளிப்பாடாகவோ சித்தரிக்கப்படுகின்றனர்.

2.அன்னை-மகன் வழிபாடு மற்றும் மத்தியஸ்தம்:-

செமிராமிஸ் தனது மகன் தம்முஸை வழிபடச் செய்ததாகக் கூறப்படும் புராணக் கதைகள், ஒரு பெண்ணைத் தெய்வத்தின் தாயாகவும், வழிபாட்டிற்குரிய அரசியாகவும் முன்னிறுத்துகின்றன. இது வேதாகமத்தின் போதனைக்கு முற்றிலும் முரணானது. வேதாகமத்தில் மரியாள் இயேசுவின் தாயாக மதிக்கப்படுகிறாரே தவிர, அவர் வழிபடப்படுவதில்லை. "தேவனுக்கும் மனுஷனுக்கும் மத்தியஸ்தர் ஒருவரே" (1 தீமோத்தேயு 2:5) என்று வேதாகமம் கூறுகிறது. ஆனால், சைபெலி மற்றும் செமிராமிஸ் வழிபாடுகளில், மக்கள் இந்தத் பெண் தெய்வங்களை அணுகினால் மட்டுமே ஆசீர்வாதம் கிடைக்கும் என்ற நம்பிக்கை இருந்தது. இது விவிலியம் கூறும் தனிமனிதனுக்கும் தேவனுக்கும் இடையிலான நேரடி உறவைச் சிதைப்பதாக அமைகிறது.

3.வழிபாட்டு முறைகளின் தூய்மை:-

சைபெலி மற்றும் பாபிலோனிய தெய்வ வழிபாடுகளில் சடங்கு ரீதியான வேசித்தனம், அதிகப்படியான சத்தத்துடன் கூடிய பாடல்கள் மற்றும் சில நேரங்களில் சுய-சித்திரவதைகள் (Self-mutilation) வழிபாட்டின் அங்கமாக இருந்தன. இதற்கு மாறாக, வேதாகமம் "பரிசுத்த அலங்காரத்துடனே கர்த்தரைத் தொழுதுகொள்ளுங்கள்" (சங்கீதம் 96:9) என்று அழைப்பு விடுக்கிறது. அந்நிய தெய்வ வழிபாடுகளில் இருந்த இத்தகைய ஒழுக்கக்கேடான சடங்குகளை எரேமியா மற்றும் எசேக்கியேல் போன்ற தீர்க்கதரிசிகள் கடுமையாகக் கண்டித்தனர். குறிப்பாக, எசேக்கியேல் 8:14-ல் "பெண்கள் உட்கார்ந்து தம்முசுக்காக அழுதுகொண்டிருந்தார்கள்" என்று அந்நிய வழிபாட்டு முறைகள் ஆலயத்திற்குள் நுழைந்ததை வேதாகமம் மகா அருவருப்பாகச் சித்தரிக்கிறது.

4.அதிகாரம் மற்றும் இரட்சிப்பு:-

புராணங்களின்படி செமிராமிஸ் ஒரு பேரரசியாக, தனது சொந்த அதிகாரத்தினாலும் தந்திரத்தினாலும் தெய்வீக நிலையை அடைந்ததாகக் கூறப்படுகிறது. இங்கு இரட்சிப்பு அல்லது உயர்வு என்பது மனித முயற்சியையும் அதிகாரத்தையும் சார்ந்தது. ஆனால் வேதாகமத்தின் செய்தி இதற்கு நேர் எதிரானது. மனிதன் தன் பாவத்தினால் தேவனை விட்டுப் பிரிந்திருப்பதாகவும், தேவனே கிருபையாக மனிதனைத் தேடி வந்து இரட்சிக்கிறார் என்பதும் வேதாகமத்தின் அடிப்படை. பாபிலோன் கோபுரம் (நிம்ரோத் காலத்து முயற்சி) என்பது மனிதன் தேவனை அடைய முயன்ற தோல்வியுற்ற முயற்சியாக விவிலியத்தில் பார்க்கப்படுகிறது, இதுவே செமிராமிஸ் போன்ற புராணக் கதாபாத்திரங்களின் வளர்ச்சிக்கு அடிப்படையாக அமைந்தது.

4.வரலாற்று மற்றும் தொல்பொருள் உண்மை (Archaeological Context)

வரலாற்று ரீதியாக, செமிராமிஸ் என்பது ஷம்மு-ரமத் (Sammu-ramat) என்ற அசிரிய அரசியைக் குறிக்கும். இவர் தனது மகன் அதாத்-நிராரி III (Adad-nirari III) சிறுவனாக இருந்தபோது, அசிரியப் பேரரசைத் திறம்பட ஆட்சி செய்தவர். ஒரு பெண் இவ்வளவு பெரிய பேரரசை ஆண்டது அக்காலத்தில் வியப்பாகப் பார்க்கப்பட்டதால், அவர் காலப்போக்கில் புராண நாயகியாகவும், தெய்வமாகவும் மாற்றப்பட்டார்.

செமிராமிஸ் மற்றும் சைபெலி ஆகிய பெயர்கள் விவிலியத்தில் இல்லை. இருப்பினும்……..

1.விவிலியம் குறிப்பிடும் "பாபிலோனிய விபச்சாரி" (வெளிப்படுத்துதல் 17) மற்றும் "வானராக்கினி" போன்ற உருவகங்கள், இந்தத் தெய்வ வழிபாடுகளின் ஆதிக்கத்தையே மறைமுகமாகச் சுட்டிக்காட்டுகின்றன. 

2.விவிலியம் கூறும் நிம்ரோத்தின் "பாபேல் கோபுரம்" மற்றும் பாபிலோனிய மத முறைகளே, பிற்காலத்தில் கிரேக்க, ரோமானிய கலாச்சாரங்களில் செமிராமிஸ் மற்றும் சைபெலி போன்ற தெய்வங்களாக உருமாற்றம் பெற்றன என்பது ஆய்வாளர்களின் பொதுவான கருத்து.

சிலுவை தண்டனை எப்படி முதலில் தொடங்கியது? //இயேசு கிறிஸ்துவின் பாடுகள் //

சிலுவை தண்டனை எப்படி முதலில் தொடங்கியது?

மனித வரலாற்றில் மிகக் கொடூரமான தண்டனைகளில் ஒன்றான சிலுவையில் அறையப்படும் முறையின் பரிணாம வளர்ச்சியைப் பற்றிதொகுப்பு…..

1.சிலுவை தண்டனையின் ஆரம்ப புள்ளி: அசிரியர்கள் & பாபிலோனியர்கள்

பலர் இதை ரோமானியர்களோடு மட்டுமே தொடர்புபடுத்துகிறார்கள், ஆனால் இதன் வேர்கள் கி.மு. 6-ஆம் நூற்றாண்டில் அசிரியர்களிடமே தொடங்கின.

• முறை (Impalement): தொடக்கத்தில் இது சிலுவை வடிவில் இருக்கவில்லை. கூர்மையான மரக்கழிகளில் மனிதர்களைச் செருகி உயிருடன் தொங்கவிடும் முறையாக இருந்தது.

• நோக்கம்: நீதியை நிலைநாட்டுவதை விட, எதிரிகளின் மனதில் அரச அதிகாரத்தின் மீதான பயத்தை விதைப்பதே இதன் முதன்மை நோக்கமாக இருந்தது.

2.பாரசீகர்களின் சட்டப்பூர்வக் கட்டமைப்பு

அசிரியர்களுக்குப் பிறகு, பாரசீக மன்னர் டேரியஸ் (Darius) இந்தத் தண்டனையை ஒரு ஒழுங்கமைக்கப்பட்ட அரசாங்க தண்டனையாக மாற்றினார். கிளர்ச்சியாளர்களுக்கு மரணத்தை விட மோசமான வலியைத் தரும் சட்டப்பூர்வ ஆயுதமாக இது பயன்படுத்தப்பட்டது.

3.மாவீரன் அலெக்சாண்டரின் உளவியல் போர்

கி.மு. 332-இல் மாவீரன் அலெக்சாண்டர், டயர் (Tyre) நகரத்தை வீழ்த்தியபோது, சுமார் 2,000 கைதிகளை ஒரே நேரத்தில் சிலுவையில் அறைந்து கொன்றார். இது அண்டை நாட்டு மன்னர்களுக்கு விடுக்கப்பட்ட ஒரு பலமான எச்சரிக்கையாகவும், உளவியல் ரீதியான தாக்குதலாகவும் அமைந்தது.

4.ரோமானியர்களின் அதிகாரத் தந்திரம்

ரோமானியர்கள் கார்த்தஜீனியர்களிடமிருந்து இம்முறையைக் கற்றுக்கொண்டாலும், அதைச் சமுதாயக் கட்டுப்பாட்டுக்கான ஒரு கருவியாக மாற்றினர்:

• பாகுபாடு: ரோமானியக் குடியுரிமை பெற்றவர்களுக்கு இத்தண்டனை வழங்கப்படாது. இது அடிமைகள், கிளர்ச்சியாளர்கள் மற்றும் அயல்நாட்டவர்களுக்கு மட்டுமே ஒதுக்கப்பட்டது.

• சித்திரவதையின் உச்சம்: மரணம் உடனே சம்பவிக்காமல், பல மணி நேரங்கள் அல்லது நாட்கள் வரை உடல் ரீதியான வலியை நீட்டிக்கச் செய்வதில் ரோமானியர்கள் நிபுணத்துவம் பெற்றிருந்தனர்.

5.விவிலியப் பின்னணி: ஆமானின் தூக்குமரம்

விவிலியத்தில் (எஸ்தர் புத்தகம்), யூதர்களை அழிக்கத் திட்டமிட்ட ஆமான், 50 முழ உயரமுள்ள ஒரு தூக்கு மரத்தை உருவாக்கினான். இதுவும் அக்காலத்திய 'இம்பால்மென்ட்' முறையின் ஒரு வடிவமே. ஆனால், ஒரு வரலாற்று முரணாக, அவன் உருவாக்கிய அதே மரத்திலேயே அவன் தூக்கிலிடப்பட்டான்.

சுருக்கம்:

சிலுவை தண்டனை என்பது வெறும் தண்டனை முறை மட்டுமல்ல; அது பேரரசுகள் தங்கள் அதிகாரத்தை நிலைநாட்டப் பயன்படுத்திய உளவியல் ஆயுதம். "அதிகாரம் எப்போதும் பயத்தை முதலீடாக வைத்தே செயல்படுகிறது" என்பதற்கு இந்த வரலாறு ஒரு சாட்சியாக இருக்கிறது.

🚥ரோமானியப் பேரரசர் கான்ஸ்டன்டைன் (Constantine) கி.பி. 337-இல் கிறித்தவ மதத்தின் மீதான மரியாதையினால் இந்தத் தண்டனை முறையை முற்றிலும் தடை செய்தார்.

இயேசுவின் ஆறு விசாரணைகள் //இயேசு கிறிஸ்துவின் பாடுகள் //

 இயேசுவின்   ஆறு விசாரணைகள்

இயேசுவின் பாடுகள் மற்றும் மரணம் தொடர்பான நிகழ்வுகள் காலவரிசைப்படி கீழே வரிசைப்படுத்தப்பட்டுள்ளன:

• மாலை 6:00 – 10:00: மேல்வீட்டு அறையில் பஸ்கா போஜனம், சீஷர்களின் கால்களைக் கழுவுதல் மற்றும் திருவிருந்து (புதிய உடன்படிக்கை) ஏற்படுத்துதல்.

• இரவு 10:00 – நள்ளிரவு: கெத்செமனே தோட்டத்தில் இயேசுவின் கண்ணீர் ஜெபம்.

• நள்ளிரவு 12:00: யூதாஸ் காரியோத்தினால் காட்டிக்கொடுக்கப்பட்டு, இயேசு கைது செய்யப்படுகிறார்.

🔎ஆறு விசாரணைகள் (6 Queries)

இயேசு சந்தித்த விசாரணைகளை இரண்டு முக்கிய பிரிவுகளாகப் பிரிக்கலாம்:

பகுதி 1: மத ரீதியான விசாரணைகள் (யூத அதிகாரிகளிடம்)

இந்த விசாரணைகள் யூத மார்க்க சட்டங்களின்படி நடத்தப்பட்டன.

1. அண்ணாவிடம் விசாரணை: முன்னாள் பிரதான ஆசாரியரான அண்ணாவிடம் முதலாவதாகக் கொண்டு செல்லப்பட்டார். இது ஒரு ஆரம்பகட்ட விசாரணை.

2. காய்பாவிடம் விசாரணை: தற்போதைய பிரதான ஆசாரியரான காய்பாவிடம் நள்ளிரவில் விசாரணை நடந்தது. இங்கே பொய் சாட்சிகள் கொண்டு வரப்பட்டனர்.

3. ஆலோசனைச் சங்க விசாரணை: அதிகாலை 4 மணி அளவில், யூதர்களின் உயர்மட்டக் குழுவான 'சனகெதரின்' சங்கத்தில் முறையாக விசாரணை நடந்தது. தான் "தேவனுடைய குமாரன்" என்று இயேசு உறுதிப்படுத்தியதால், அவருக்கு மரண தண்டனை விதிக்கப்பட்டது.

🔎பகுதி 2: அரசியல் ரீதியான விசாரணைகள் (ரோம அதிகாரிகளிடம்)

மரண தண்டனையை நிறைவேற்ற ரோம அரசின் அனுமதி தேவைப்பட்டதால், இயேசு ரோம அதிகாரிகளிடம் நிறுத்தப்பட்டார்.

4. பிலாத்துவிடம் முதல் விசாரணை: அதிகாலை 5 மணிக்கு தேசாதிபதி பிலாத்துவிடம் கொண்டு செல்லப்பட்டார். இயேசுவிடம் எந்தக் குற்றமும் இல்லை என்று பிலாத்து கண்டறிந்தார்.

5. ஏரோது அந்திபாவிடம் விசாரணை: இயேசு கலிலேயாவைச் சேர்ந்தவர் என்பதால், பிலாத்து அவரை ஏரோதுவிடம் அனுப்பினார். ஏரோதுவின் கேள்விகளுக்கு இயேசு மௌனமாக இருந்தார்.

6. பிலாத்துவிடம் இரண்டாம் விசாரணை: ஏரோது மீண்டும் பிலாத்துவிடமே அனுப்பினார். மக்களின் வற்புறுத்தலினாலும், கலகத்தைத் தவிர்க்கவும் மனமில்லாமல் பிலாத்து இயேசுவுக்குச் சிலுவை மரணத் தீர்ப்பளித்தார்.

🔎முக்கிய நிகழ்வுகளின் முடிவு

• காலை 9:00: இயேசு சிலுவையில் அறையப்பட்டார்.

• மதியம் 12:00 – 3:00: பூமி முழுவதும் அந்தகாரம் (இருள்) நிலவியது.

• மதியம் 3:00: இயேசு சிலுவையில் மரித்தார்.